Trådlaust nettverk, eller WiFi, gjer det mogleg å kopla til internett utan å bruka fysiske kablar. Dette gjer det enkelt å kopla til ulike einingar som datamaskinar, smarttelefonar, nettbrett og smart heimeutstyr som er utstyrt med trådlaus teknologi.

Når du nyttar WiFi, er det viktig å vera oppmerksam på nokre faktorar som kan påverka signalet og ytelsen til nettverket ditt. Desse inkluderer avstand til ruteren eller heimesentralen, hindringar som veggar eller møblar, og eventuelle forstyrringar frå andre elektroniske apparat i nærleiken. Alder og begrensningar på utstyret du brukar kan også vere ein faktor og årsak til at du opplever tregt nett. Til dømes kan ein telefon ha maksfart som er lågare enn den farten du får på PC-en din, eller omvendt.

Nyare ruterar støttar ofte både 2,4 GHz og 5 GHz frekvensband, noko som kan gi betre trådlaus ytelse. 2,4 GHz-bandet har lengre rekkevidde og er godt eigna til å nå gjennom veggar og hindringar, men kan ofte bli meir påverka av forstyrringar frå andre trådlause einingar. 5 GHz-bandet gir høgare fart og er ideelt for strøyming av video, onlinespel og andre datakrevjande oppgåver, men har kortare rekkevidde. Eldre ruterar støttar som regel berre 2,4 GHz, noko som kan føre til lågare hastigheit og meir forstyrringar i nettverket. Dersom du har ein eldre ruter, kan det difor vera lurt å oppgradera til ein nyare modell som støttar begge frekvensbanda. På den måten kan du utnytte fordelane med raskare og meir stabilt trådlaust nett i heimen. 

Dersom du opplever problem med ditt trådlause nettverk, kan du prøve følgjande tips:

1. Plasser ruteren på ein sentral stad i heimen din for best mogleg dekning.
2. Unngå plassering nær metallgjenstandar eller elektroniske apparat som kan forstyrre signalet.
3. For sentrale einingar som har behov for godt signal og høg fart, bør du vurdere å bruke nettverkskabel i staden for trådlaus tilkopling.
4. Om ein framleis opplever problem med WiFi dekninga i heimen, kan ein vurdera å installera eit mesh WiFi system. Les meir om mesh WiFi her.