Om du opplever tregt eller ustabilt nett er det fleire moglege årsaker til det. Før du kontakter oss er det nokre tiltak du kan prøve. Les gjerna om trådlaust nett her, då det ofte er årsaken til at du opplever tregt nett. 

1. Start rutaren og modemet på nytt: Ofte kan ein enkel omstart av rutaren og modemet løyse mange problem med tregt nett. Slå av rutaren (eventuelt antenna om du har det), vent ei stund, og slå dei på igjen.
2. Plassering av rutaren: Forsikra deg om at rutaren din er plassert sentralt i heimen din, og at den ikkje er blokkert av hindringar som vegger eller møblar. Ideelt sett bør rutaren plasserast i eit opent område, vekke frå elektroniske apparat som kan forstyrre signalet. Du kan lese meir om trådlaust nett/WiFi i vårt kundesenter.
3. Bruk kabel: Om du kun nyttar trådlaust nettverk, er det lurt å bruke nettverkskabel på einingar som har moglegheit for ei kabla tilkopling. Dette gjeld spesielt einingar som du brukar mykje og som kan nytte mykje båndbreidde. Døme på einingar: PlayStation, Xbox, stasjonær-PC, SmartTV, AppleTV og TV-dekoder.
4. Ta ein test av nettfarten: Gjer ein test av nettfarten ved hjelp av ein påliteleg nettstad eller app for å måle nedlastings- og opplastingshastigheita di, til dømes her: Nettfart.no. Dette vil gje deg ein indikasjon på kor raskt internettet ditt eigentleg er. Du kan lese meir om korleis gjennomføre ein påliteleg test av nettfarten her.
5. Sjå om noko forstyrrar: Flytt smart-hus-einingar til eit eige gjestenett. Desse kan tidvis forstyrre «vanlege» einingar.
6. Har du nok fart? Nok fart i nettet er avgjerande for saumlaus nettbruk og effektiv dataoverføring. Om du opplever at nettet stoppar opp, kan det hende du ikkje har nok fart i nettet. Då bør du vurdere å auke abonnementet ditt. Du finn oversikt over alle våre abonnement og prisar på våre nettsider. Lurer du på om du har nok fart i nettet, kan du kontakte oss. Me kan sjå statistikk over kor mykje data som blir brukt.