Utan nett?
Om du er utan nett, kan du prøve følgjande:
Gå inn på våre nettsider under driftsmeldingar status.heband.no og sjå om me har feil i vårt nett eller driv med arbeid som kan gjere at du ikkje har nett akkurat no.
Sjekk om du har straum/lys på utstyret ditt! Dersom du har nett via antenne, skal det vere lys både på straumforsyninga (om du har eigen til antenna) og ruteren. Har du fiber frå oss, skal det vere lys på heimesentralen og på ruteren (om du har ruter i tillegg). Ofte kan det vere at ein sikring har gått, som gjer at du ikkje har straum på utstyret og dermed ikkje har nett.
Slå av straum på alt utstyret ditt og vent litt før du slår på straumen att.
Ta omstart på PC eller anna utstyr som er tilkopla nettet.
Har du framleis ikkje nett, kan du kontakte oss på vårt telefonnummer 53 66 53 00.
På kvardagar mellom kl. 15.30 og 22.00, og i helger mellom kl. 10.00 og 15.00, må du leggje igjen ei melding. Vakta vil då ta kontakt med deg så snart som mogleg.
Du kan òg nå oss via e-post eller vårt kontaktskjema. Utanom arbeidstid kan det vere noko redusert responstid, men me vil svare deg så raskt som mogleg. post@heband.no